ഭൂഗോളത്തിന്റെ മറ്റേ അറ്റത്ത്‌ കിടക്കുന്ന സ്ഥലമാനെന്കിലും അമേരിക്കന്‍ പ്രസിഡന്റ് ഇലക്ഷന്‍ നമ്മള്‍ മലയാളികള്‍ വളരെ താല്പര്യ പൂര്‍വ്വം ഉറ്റു നോക്കികൊണ്ടിരിക്കുകയാണ് . CIA എജെന്ട് , അമേരിക്കന്‍ സാമ്രാജ്യത്ത മൂരാച്ചി എന്നൊക്കെ ചെറുപ്പം മുതലേ കേള്‍ക്കുന്നത് കൊണ്ടു നമുക്കൊക്കെ അമേരിക്കന്‍ വിശേഷങ്ങള്‍ അറിയാന്‍ ഒരു പ്രത്യേക താല്പര്യമാണ് .
നമ്മുടെ ആഭ്യന്തര മന്ത്രി പത്നീ സമേതനായി അമേരിക്കന്‍ സന്ദര്‍ശനത്തിലാണ് . വ്യവസായ മന്ത്രിയും ഉടന്‍ അവിടെ എത്തുമത്രേ. ലക്‍ഷ്യം വളരെ പഴയത് തന്നെ . നിക്ഷേപകരെ കേരളത്തിലേക്ക് ക്ഷണിക്കല്‍ .
പറ്റിയ സമയം തന്നെ, അമേരിക്കയില്‍ ആര് നിക്ഷേപിക്കും എന്നറിയാന്‍ അവിടത്തെ ധനമന്ത്രിയും പരിവാരങ്ങളും ഓടി നടക്കുകയാ..
കാലാകാലങ്ങളിലായി ഇവരൊക്കെ മുറക്ക് വിദേശ പര്യടനം നടത്തി കൊണ്ടു വന്ന വ്യവസായങ്ങളൊക്കെ
എവിടെയാണാവോ ഈശ്വരാ !! മന്ത്രി പറഞ്നത് പോലെ തെങ്ങിന്റെ മണ്ടയിലോ മറ്റോ ആണോ.. അല്ല , അങ്ങനെ വല്ലതും ഉണ്ടായിരുന്നെങ്ങില്‍ നമുക്കൊക്കെ നാട്ടില്‍ വന്നു പണി എടുക്കാമായിരുന്നു . രാവിലെ സ്വന്തം വീട്ടില്‍ നിന്നിറങ്ങി ജോലിക്ക് പോകാമായിരുന്നു ..
ഇനിയിപ്പൊ ലോക സഭ ഇലക്ഷന്‍ ഒക്കെ അടുത്ത വരികയല്ലേ , ഒബാമയുടെ പ്രചാരണ തന്ത്രങ്ങള്‍ നേരിട്ടു വീക്ഷിച്ചു പഠിക്കുകയാണോ ഉദ്ദേശം .. പറയാന്‍ പറ്റില്ല. ഇനിയിപ്പൊ ഇവരെല്ലാം അമേരിക്കന്‍ ഇലക്ഷനില്‍ വോട്ടുചെയ്യനാണോ പോയത് . ദൈവത്തിനറിയാം ..
എന്തായാലും പച്ച മലയാളത്തില്‍ പറഞാല്‍ ഇതൊക്കെ ' Taxpayer's money ' അല്ലെ ചേട്ടാ , ഇവന്ടെയോന്നും കുടുംബത്തീന്നു കൊണ്ടുവന്നതല്ലല്ലോ .
Subscribe to:
Post Comments (Atom)
No comments:
Post a Comment